EKAINEAN, AGUR BENHUR !

Ematen zuen ez zela iritsi behar baina azkenik, urtero legez, hemen dugu ekaina. Ilusioa batetik, oporrak hurbilagotik sentitzen ditugulako eta bestetik, azken txanpan egin beharreko ahalegina. Azterketak, notak, ebaluazioa, taldea, lagunak, institutua, irakasgaiak, irakasleak, tutorea, txangoak... Bada ikasturte honen balorazio orokorra egiteko garaia. Modu onean edozein iritzi bota daiteke. Kritikoak bai baina arrazoiak eta argudioak erabiliz.

Gazteen ohiturak

• Ikasgelan irakaslearekin egon zarete eztabaidatzen gazteen ohiturei buruz:
- Helduek esaten omen dute gazteek ohitura txarrak izaten dituztela bizitzaren arlo askotan: elikaduran, arropan, Komunikatzeko orduan, nagusiekiko errespetuan, ondo pasatzeko garaian…
- Zure ikaskideen ustez, ordea, gazteen ohiturak ez dira txarrak.
• Irakasleak agindu dizue idazlan bat egitea gai horren gainean; bertan adierazi beharko duzu zein iritzirekin zauden ados.
• Zeure arrazoiak eta zergatiak eman behar dituzu, garbi adierazi zeren alde eta zeren aurka zauden.
• Oroitu irakasleak irakurriko duen idazlan bat dela, hortaz, egokitu zure idazteko era.
• Zure idazlanak gutxienez 100 hitz izan behar ditu.
• Saia zaitez idazki ordenatu bat idazten, zuzen eta garbia.

Alkohola? Tabakoa?

Azken boladan gure blog-a baztertuta izan badugu ere, ea berriro bultzadatxoa ematen diogun guztion artean. Horretarako ezinbestekoak zuen iritziak, argudioak, gogoa eta jarrera.
Tutoretzan tratatu ditugun gaiak jorratuko ditugu: alkohola eta tabakoa. Idatzi horien inguruan dakizunaz, mitoak, ondorioak, zalantzak, entzundakoak eta ikasitakoak, esperientziak eta eskarmentuak, lagunen eragina ...

ZER DERITZAZU BESTEEN IRITZIARI ?

Zutaz pentsatzen dutena ikusita, zerbaitek harrituta utzi zaitu? Zerk harritu zaitu gehien?
Zer ez dute esan besteek zure gustukoa izango zena entzutea?
Nola sentitzen zara besteek zutaz esan dutena entzun ondoren?
Besteek esan dizutenarekin zeure buruaren definizioa egiten saiatuko zara. Besteek nola ikusten nauten galderaren erantzuna izango da.
Orain "nolakoa naiz ni?" galderari erantzungo diogu eta aurrekoarekin konparatuko dugu.

Autokontzeptua eta autoestimua

Autokontzeptua eta autoestimua zuk sarritan entzundako hitzak direla ziur nago. Dena den, beraiei buruz hitz egin dezagun.

Autokontzeptua :
Nork bere buruaren ezagutza da (nor naiz, zer egiten dut, nola egiten dut, zeintzuk dira nire trebetasunak, zein nire zirriztuak edo puntu ahulak...); galdera hauek eta beraien erantzunak neure buruaz dudan iritzia eraikitzen doaz.

Autoestimua :
Auto-estimua norberarekiko baloratze jarrera bezala definitu daiteke, "norberarekiko balorazio positibo edo negatiboa". Bakoitza norbera ezagutu eta gero, bere buruaz pozik dago ala ez.
Autoestimua ona duten pertsonak ondo sentitzen dira, zoriontsuagoak dira. Baina sarritan hau ez da horrela izaten. Autoestimua baxua denean, sarritan nork bere burua ez duelako ondo ezagutzen izaten da. Auto-ezagutza ez delako egokia, edo geure nortasunaren alde positiboak ez ditugulako aurkitu, edo akatsak baino ez ditugulako kontutan izaten.


"Zugandik gustatzen zaizkidan hiru gauza hauexek dira".
Bakoitzak idatziko ditu gustuko dituen hiru gauza taldeko hiru neskari buruz. Eta beste hiru gauza beste hiru mutili buruz. Balorazioak pertsonalak izan behar dute eta zintzo jokatuko dugu.
Hau guztiau isilik egingo dugu.

Generoa: sexuen arteko gorabeherak

Neskak eta mutilak, mutikoak zein neskatoak, sarritan ondo konpontzen, askotan haserre, protestaka. Baina gure esperientziak elkartrukatu beharrean gaude bizitzan, kalean, institutuan, gelan ...

Mutilak eta neskak: galdekizuna (mutilentzako bertsioa)
1. Zer da mutil izatetik gustatzen zaidana?
2. Zeintzuk dira mutil izatetik tristatzen nauten esperientziak?
3. Zer zailtasun ditugu mutil bezala, geure sexu bereko pertsonekin?
4. Zer ez dugu berriro esperimentatu nahi mutil bezala beste sexuko pertsonengandik?
5. Zer egin dezakegu neskak ulertu eta sostengatzeko, gure artean harreman hobeak sortzeko?
6. Okasioren batean baztertuak sentitu al zarete mutil izateagatik? Zeinetan?


Mutilak eta neskak: galdekizuna (neskentzako bertsioa)
1. Zer da neska izatetik gustatzen zaidana?
2. Zeintzuk dira neska izatetik tristatzen nauten esperientziak?
3. Zer zailtasun ditugu neska bezala, geure sexu bereko pertsonekin?
4. Zer ez dugu berriro esperimentatu nahi neska bezala beste sexuko pertsonengandik?
5. Zer egin dezakegu mutilak ulertu eta sostengatzeko, gure artean harreman hobeak sortzeko?
6. Okasioren batean baztertuak sentitu al zarete neska izateagatik? Zeinetan?

Zer nolakoa naiz? Nolakoak nire lagunak?

1. Aurrekoan ikusitako eta ikasitako sentimenduen zerrenda kontuan izanik, norbere buruari buruzkoak idatziko ditugu: alde positiboak zein alde negatiboak. (10 - 15 lerrotan)

2. Bi ikaskide deskribatuko ditugu: bat, gelako zerrendako ondorengoa eta bi, zu zeuk erabakitzen duzuna. (10 - 15 lerro bakoitzeko)